കാട്ടൂര്‍: സ്‌കൂളിലെ പൂര്‍വ്വവിദ്യാര്‍ത്ഥിക്ക് വൃക്ക മാറ്റിവെയ്ക്കല്‍ ശസ്ത്രക്രിയയ്ക്ക് പണം സമാഹരിച്ച് നല്‍കി നന്മ പ്രവര്‍ത്തകര്‍ മാതൃകയായി. കാട്ടൂര്‍ പോംപെ സെന്റ് മേരീസ് ഹൈസ്‌കൂളിലെ മാതൃഭൂമി നന്മ ക്ലബ്ബംഗങ്ങളാണ് അധ്യാപകരില്‍നിന്നും സഹപാഠികളില്‍നിന്നും നാട്ടുകാരില്‍നിന്നും പണം സമാഹരിച്ചത്. കാട്ടൂര്‍ സ്വദേശി തെങ്ങുപിള്ളി വീട്ടില്‍ സാബു (25)വിന്റെ വൃക്ക മാറ്റിവെയ്ക്കല്‍ ശസ്ത്രക്രിയയ്ക്ക് വേണ്ടിയാണ് ധനസമാഹരണം നടത്തിയത്.
ആഴ്ചയില്‍ മൂന്നുതവണ ഡയാലിസിസ് നടത്തിയാണ് സാബുവിന്റെ ജീവിതം മുന്നോട്ട് നീങ്ങുന്നത്. നന്മ ക്ലബ്ബംഗങ്ങള്‍ സ്‌കൂള്‍ മാനേജര്‍ പവന്‍ കെ. ആലപ്പാട്ടിനും പ്രധാനാധ്യാപകന്‍ സജീവന്‍ വി.കെ.യ്ക്കും തുക കൈമാറി. പി.ടി.എ. പ്രസിഡന്റ് സഹജ രാജന്‍, നന്മ കോ-ഓര്‍ഡിനേറ്റര്‍ സനീഷ് കെ.വി., സ്‌കൂള്‍ ടീച്ചര്‍ കോ-ഓര്‍ഡിനേറ്റര്‍ ഷീബ കെ.വി. എന്നിവരും ചടങ്ങില്‍ സംബന്ധിച്ചു. എഴുപതിനായിരം രൂപയാണ് നന്മ ക്ലബ്ബംഗങ്ങള്‍ സമാഹരിച്ച് നല്‍കിയത്.

നാളെയാണ് തെരഞ്ഞെടുപ്പ്. പത്തുരൂപ കെട്ടിവച്ചാണ് മത്സരം. നിശ്ചിതവോട്ട് കിട്ടിയില്ലെങ്കില്‍ കെട്ടിവെച്ച കാശുപോകും. മുണ്ടൂര്‍ സല്‍സബീല്‍ സെന്‍ട്രല്‍ സ്കൂളില്‍ ലീഡര്‍മാരുടെ തെരഞ്ഞെടുപ്പാണ് പൊതുതെരഞ്ഞെടുപ്പിന്‍റെ അതേ രീതിയില്‍ സംഘടിപ്പിച്ചിരിക്കുന്നത്. വോട്ടേഴ്സ് ലിസ്റ്റ് തയാറാക്കല്‍, തെരഞ്ഞെടുപ്പു തീയതി നിശ്ചയിക്കല്‍, നാമനിര്‍ദേശ പത്രികകള്‍ സമര്‍പ്പിക്കല്‍, സൂക്ഷ്മ പരിശോധന, പത്രിക പിന്‍വലിക്കല്‍, ചിഹ്നങ്ങള്‍ നല്‍കല്‍, തെരഞ്ഞെടുപ്പു പ്രചാരണം തുടങ്ങിയ എല്ലാ ഘടകങ്ങളും ഉള്‍ക്കൊള്ളിച്ചാണ് തെരഞ്ഞെടുപ്പ്. ഹെഡ്ബോയ്, ഹെഡ്ഗേള്‍, സ്പോര്‍ട്ട്സ് സെക്രട്ടറി, ആര്‍ട്സ് സെക്രട്ടറി എന്നിവരെയാണ് വോട്ടെടുപ്പിലൂടെ തെരഞ്ഞെടുക്കുക.

വോട്ടര്‍ ഐഡി കാര്‍ഡായി സ്കൂള്‍ ഡയറി ഉപയോഗിക്കാം. വിരലില്‍ പുരട്ടാനുള്ള മഷി വരെ തയാറായിക്കഴിഞ്ഞു. വാഗ്ദാനങ്ങളടങ്ങിയ പ്രകടനപത്രികയും കുട്ടിസ്ഥാനാര്‍ഥികള്‍ പുറത്തിറക്കിയിട്ടുണ്ട്. സ്ഥാനാര്‍ഥികളെ പങ്കെടുപ്പിച്ചുകൊുള്ള 'മീറ്റ് ദി കാന്‍ഡിഡേറ്റ്' പരിപാടി ശ്രദ്ധേയമായിരുന്നു. വോട്ടെടുപ്പ് നടക്കുന്ന ദിവസംതന്നെ ഫലപ്രഖ്യാപനവും നടക്കുമെന്നു റിട്ടേണിംഗ് ഓഫീസറായ വൈസ് പ്രിന്‍സിപ്പല്‍ സ്റ്റാന്‍ലി ജോര്‍ജ് പറഞ്ഞു.  

Simon Pavaratty

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google#YOUR_SOCIAL_PROFILE_URL} {pinterest#YOUR_SOCIAL_PROFILE_URL} {youtube#YOUR_SOCIAL_PROFILE_URL} {instagram#YOUR_SOCIAL_PROFILE_URL}

EC creations

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google#YOUR_SOCIAL_PROFILE_URL} {pinterest#YOUR_SOCIAL_PROFILE_URL} {youtube#YOUR_SOCIAL_PROFILE_URL} {instagram#YOUR_SOCIAL_PROFILE_URL}
Powered by Blogger.